Upishi wa chapati: Mkate wa kusukuma

Vipimo:

  • Unga wa ngano mweupe                       1 Kilo
  • Samli (mafuta)                                        150gm
  • Chumvi                                                   3 vya chai
  • Maji ya moto yasichemke lakini               Kiasi
  • Mafuta Ya Zaituni                                     4 vijiko vya supu
  • Samli tena                                                200 gms
  • Iliki (Hiliki) iliyosagwa                               1 kijiko cha chai

 670px-Make-Chapati-Step-5

 20120510-chapati-wraps-with-liver-1 chapati17

Namna ya kutayarisha na kupika:   

(1) Tia unga  kwenye sinia au bakuli kubwa lilo na nafasi, changanya na chumvi, mafuta ya zaituni, samli 150g, iliki, mimina maji ya moto kwa kipimo cha kikombe kila unapovuruga unga.

(2) Uunga uwe  mwepesi unapoganda kuwa donge moja kubwa. Uwache kwa muda wa dakika 60 (saa moja hivi) ukiwa umeufinika ili unga ulainike. 

(3) Katakata madonge makubwa yenye ukubwa wa chungwa  ili uweze kutoa kila donge chapati mbili. Ukimaliza hapa weka madonge kwa muda wa nusu saa ukiwa umefinika bila ya kuingia upepo ndani.

(4) Sukuma donge ukiwa umelimwagia unga mkavu juu, liwe mviringo. Unaweza kutumia kifimbo   hata chupa  kusukumia madonge ikiwa huna kifimbo juu ya meza au kwenye kibao maalumu cha chapati.  

(5) Yayusha samli nyingine ya 200gm  kisha itumie kwa kupaka kwenye kila donge ukilisukuma duara itakayobakia weka kando utachomea chapatti.

(6) Likate katikati kwa kidole chako au kijiko upate mgawanyo wa sehemu mbili sasa kila sehemu utakunja kwanzia ncha moja hadi ikutane na ncha nyengine kama mkeka, donge lake linakuwa na sampuli, huitwa tabaki 

(7) Weka chuma cha kuchomea chapati jikoni moto mdogomdogo.

(8) Sukuma kila donge  kisha mara nyengine mviringo huu utakuwa mviringo wa kuchoma weka chapati kwenye chuma kavu bila samli  iache muda wa dakika tatu igeuze upande mwengine kisha vilevile ,  ukiona ina mabapa ya kuchomeka tia samli ile uloyeyusha kwa kijiko kikubwa kimoja huku unaizungusha zungusha.  

(9) Geuza upande wa pili vile vile mpaka iwive.

(10) Zipange kwenye sahani huku unazifinika, hapa tayari kuliwa kwa mchuzi au mboga yoyote.

6693984chapati

Kidokezo:

Ukipenda kuzichambua kidogo chapati baada ya kumaliza hii unazishika zote kwa pamoja ikiwa umezikunja, unakunja ngumi au kifimbo kupiga tu mara moja tosha.

 

Make a Donation Button

Shurba Ya Nyama Ya Mbuzi

VIPIMO

 

 Nyama ya mbuzi ya mafupa au ya ng’ombe       Kilo moja

Mafuta                                                               2 vijiko vya supu

Vitunguu maji (vikate vidogo vidogo)                   2

Nyanya (kata ndogo ndogo)                               1

Thomu na tangawizi iliyosagwa                           2 vijiko vya supu

Bizari ya pilau ya unga (Jeera)                            1 kijijo cha chai

Gilgilani ya unga (Dania)                                     ½  kijiko cha chai

Pilipili manga ya unga                                          1 kijiko cha chai

Mdalasini wa unga                                              ¼ kijiko cha chai

Kotmiri (iliyokatwa ndogo ndogo)                       kiasi

Nanaa (iliyokatwa ndogo ndogo)                        kiasi

Chumvi                                                              kiasi

Siki                                                                    3 vijiko vya supu  

Shayiri (Oats) au *                                             2 vikombe

* ikiwa shayiri nzima nzima, basi roweka kwa  muda wa masaa na uchemshe mpaka ziive. 

   

NAMNA YA KUTAYARISHA NA KUPIKA

  1.      Chemsha nyama na chumvi kwa maji kiasi  mpaka iwive

2.      Katika sufuria nyengine, weka mafuta na kaanga vitunguu kidogo tu vilainike, usiviwache kugeuka rangi.

3.      Weka bizari zote, pili pili manga, chumvi.

4.      Tia thomu na tangawizi.

5.      Tia nyanya na bila ya kuzikaanga sana tia nyama na supu yake.

6.      Tia kotmiri, nanaa.

7.      Pembeni changanya shayiri (oats) na maji koroga kisha tia katika supu ya shurba.

8.      Iwache ichemke kidogo tu ngano ziwive.

9.      Tia siki na tayari kuliwa.

Supu Ya Kuku Na Viazi/Mbatata

VIPIMO :

Kuku                                                            4 LB

Viazi/mbatata                                              3

Kitunguu maji                                               1

Kitunguu thomu                                            5 chembe

Pilipili mbichi                                                  2

Nyanya ya kusaga                                       1 kijiko cha chai

Pilipili manga ya unga                                    ½  kijiko cha chai

Haldi/tumeric/bizari ya manjano                    ¼  kijiko cha chai

Mafuta ya zaytuni                                         2 vijiko vya supu

Kotmiri (coriander freshi)                              1 msongo

Ndimu/siki                                                    2 vijiko vya supu

Chumvi                                                        kiasi

 

Namna Ya Kutayarisha Na Kupika

 

  1. Osha kuku na ukate vipande vipande kiasi
  1. Menya viazi/mbatata, katakata vipande kiasi.
  1. Menya kitunguu maji ukate vidogodogo
  1. Weka mafuta katika sufuria, kisha tia vitunguu vikaange kidogo tu hadi viwe laini.
  1. Kisha  tia vipande vya kuku, chumvi, pilipili manga, thomu ilochunwa (grated) au kukatwakatwa vipande vidogodogo.
  1. Tia nyanya,  haldi, na maji kiasi.
  1. Tia viazi/mbatata na iache ichemke hadi kuku na viazi/mbatata ziive.
  1. Katakata kotmiri na pilipili mbichi ndogo ndogo utie mwishoni.
  1. Tia ndimu au siki ikiwa tayari kuliwa  na mkate au upendavyo

Viazi Vyekundu Vya Masala

VIPIMO :

Viazi /mbatata                                                       10 kiasi

Kitunguu maji kilichosagwa                                     1

Thomu iliyosagwa                                                  1 kijiko cha supu

Pilipili iliyosagwa                                                     1 kijiko cha chai 

Rai (mustard seeds)                                               1 kijiko cha supu

Majani ya mchuzi (curry leaves)                             7 majani

Uwatu uliosagwa (methi)                                       1 kijiko cha chai

Nyanya kopo                                                         5 vijiko vya supu

Ndimu                                                                    3 vijiko vya supu

Mafuta                                                                   ¼ kikombe

 

Namna Ya Kutayarisha Na Kupika

  1. Chemsha viazi kiasi viwive lakini  visivurugike
  2. Menya, katakata vipande weka kando.
  3. Tia mafuta katika sufuria, yakishika moto tia rai, zikaange kwa muda wa dakika moja hadi zigeuke rangi kidogo.
  4. Tia majani ya mchuzi, uwatu, thomu, kitunguu maji, pilipili  kaanga kidogo tena.
  5. Tia nyanya kopo endelea kukaanga kidogo kisha tia chumvi, ndimu na maji kiasi kidogo ili kufanya rojo kiasi.
  6. Mimina viazi, changanya, pakua katika sahani.

Kabeji Ya Kukaanga

 VIPIMO:

Kabeji                                                          ¼ kabeji

Karoti                                                          2

Kitunguu                                                      2 viwili

Nyanya                                                        1

Nyanya ya kopo                                           1 kijiko cha chai

Pilipili mboga                                                 ½

Chumvi                                                        kiasi

Pilipili manga                                                 ½ kijiko cha chai

Bizari ya manjano                                        ¼ kijiko

Pilipili zilorowekwa katika siki

(hot pepper rings)                                        2 vijiko vya supu

Mafuta                                                         2 vijiko vya supu

 

Namna Ya Kutayarisha Na Kupika

  1. Katakata kabeji, karoti, vitunguu, pilipili mboga, nyanya weka kando.
  1. Tia mafuta katika karai kaanga vitunguu hadi vilainike na kuanza kugeuka rangi. Usiache vikageuka rangi sana.
  1. Tia nyanya, nyanya ya kopo, chumvi, pilipili manga, bizari, endelea kukaanga kidogo.
  1. Tia karoti endelea kukaanga kidogo.
  1. Tia kabeji na pilipili mboga kaanga kidogo tu.
  1. Zima moto na changanya na pilipili zilokatwakatwa na kurowekwa katika siki (hot pepper rings) ikiwa tayari kuliwa.

Mchicha Wa Bamia Na Sosi Ya Nyama

VIPIMO

Mchicha uliokatwa mdogomdogo                               600 gm

Bamia (kata ndogo ndogo)                                       2 Vikombe

Nyama ya ng’ombe kata vipande vidogodogo        2 LB

Thomu na tangawizi                                                 1 kijiko cha chai

Pilipili mbichi iliyosagwa (au nyekundu ya unga)    1 Kijiko cha chai

Vitunguu (kata vidogovidogo)                                  3

Nyanya (kata ndogo ndogo)                                    3

Nyanya ya kopo                                                       3 vijiko vya supu

Thomu iliyosagwa au kuparuzwa                           1 kijiko cha supu

Mafuta                                                                    ¼ kikombe

Chumvi                                                                    kiasi

Ndimu                                                                     1 kijiko cha supu

 

NAMNA YA KUTAYARISHA NA KUPIKA 

1)     Chemsha nyama kwa maji ya kiasi, chumvi, thomu na tangawizi, pilipili, na kitunguu kimoja. Hakikisha maji sio mengi ili itakapowiva ibakie supu yake kidogo tu.

2)     Katika sufuria weka mafuta, kaanga vitunguu mpaka viwe vyekundu kidogo, tia thomu kaanga kidogo tu.

3)     Tia nyanya kaanga mpaka zilainike, tia nyanya ya kopo.

4)     Weka mchicha na bamia endelea kukaanga.

5)     Mimina supu ya nyama, ongeza chumvi ikibidi, iwache kwenye moto kidogo kuwivisha mchicha na bamia.

6)    Tia ndimu.

7)    Mimina katika bakuli na ikiwa tayari kuliwa.