Faida za Mafuta ya Zaituni.

Habarini za leo wasomaji wetu. Natumai muko wazima wa afya.

Leo nitawaelekeza matumizi sahihi ya Mafuta ya Zaituni (Olive Oil). Pia tutaona faida zinazopatikana kutokana na mafuta haya.

Olives1

ZIFUATAZO NI BAADHI YA FAIDA ZA MAFUTA HAYA:

 

(1)Hutibu maumivu ya tumbo kwa kunywa kijiko 1 mara 2 kwa siku
kwa muda wa siku 7 hadi siku 11 inshaallah utapona kabisa.



(2)Mafuta ya zaituni hutibu masheitani kwa kusomea kisomo cha Ruqia, mgonjwa atajipaka mwili mzima mara moja kwa siku pamoja na kutafuna vitunguu saumu punje tatu wakati wa kulala kwa muda wa siku arobaini inshaAllah.


(3)Pia kinga ya masheitani wa kijini na wa kibinadamu kwa kujipaka mwili mzima mara moja kwa siku.


(4)Hutibu ugonjwa wa mafua kwa kupaka kwenye mwamba wa pua na ndani ya matundu ya pua mara tatu kwa siku.


(5)Tiba ya vidonda vya tumbo; Matumizi ni kutia vijiko 2 vya chakula katika uji mara mbili kwa siku kwa muda wa siku 90.


(6) Mafuta ya zaituni hutumika kama huduma ya kwanza kwa aliyekunywa sumu kwa kunywa, na kwa mwenye ganzi au kiharusi hutumia kwa kuchua mwilini asubuhi na jioni.


(7) Mafuta ya zaituni hutumika katika kuua wadudu wabaya walioko tumboni kwanjia ya kunywa kijiko kimoja mara mbili kwa siku kwa muda wa siku saba.


(8) Mafuta ya zaituni huongeza nguvu za kiume kwa kunywa kijiko kimoja kwa siku pamoja na kuuchua uume mafuta yaliyochanganywa na vitunguu swaumu kwa muda wa siku saba hadi kumi na moja.


(9) Tiba ya ugonjwa wa kusahau: paka katika paji la uso kutwa marambili pamojana kunywa kijiko kimoja cha chai mara moja kwa siku kwa muda wa siku 7 hadi siku 11.


(10) Tiba ya degedege: hutumika kupakaa mwili mzima mafuta yaliosomewa ruqya, marambili kwa siku kwa muda wa siku 7 hadi siku 21.


(11)Kukojoa kitandani: kupakaa mafuta ya zaitun mwili mzima kutwa marambili huku akilamba matone mawili kwa muda wa siku 7 hadi siku 21.

Olives3

 

 

BAADHI YA FAIDA ZENGINE NI KAMA VILE

(12) Husaidia kupunguza mafuta mwilini.Mafuta haya yanajulikana kama kolestero (Cholesterol).

(13) Inapunguza makali ya njaa. 

(14) Utumiaji wa mafuta haya unapunguza hatari ya ugonjwa wa moyo (coronary heart disease) hasa kwa wanawake.

(15) Yanasaidia kuzuia kansa ya matiti. Mafuta haya yana phytochemicals ambayo inasaidia kuzuia kansa.

 

Kwa kweli faida za haya mafuta ni nyingi sana. Unaweza soma faida zake zaidi kupitia hii : https://www.robbinsfamilyfarm.com/101-olive-oil-benefits/

 

Upishi wa keki ya maziwa

MAHITAJI
 
Unga wa ngano                            240 gram
Baking Powder                             1-½ kijiko kidogo cha chai
Salt                                                ¼ kijiko kidogo cha chai
yai zima                                        5 , kisha tenganisha ute wa njano na mweupe
Sukari                                           240gram  , gawa nusu pembeni
Vanilla                                          1 kijiko kidogo cha chai 
Maziwa ya maji                           30 gram
Evaporated Milk                          kopo 1
Sweetened au Condensed Milk   kopo 1
Cream nzito kabisa ( Heavy Cream)  60gram


KWAJILI YA ICING (kupamba): 

Heavy Cream, kwajili ya kupambia         kijiko 1 kikubwa cha chakula 
Sukari nyeupe ya unga                              kijiko 1 kikubwa cha chakula 

JINSI YA KUANDAA FATILIA PICHA NA MAELEKEZO HAPO CHINI

Muda wa maandalizi :
Saa 1 mpaka masaa 2 

Muda wa mapishi : Dakika 30 mpaka saa 1 
Ukubwa na Idadi : utapata cake 2 
Washa kwanza oven kwa moto wa 350 degrees. Kisha chukua tray yenye size hii 9 x 13 inch unaweza paka siagi au ukaspray. Kisha chukua unga changanaya na baking powder pamoja na chumvi katika bakuli kubwa.

 
Kisha chukua bakuli safi na kavu weka ute wa yai wa njano pamoja na sukari 180 gram piga kwa kutumia mchapo kwa nguvu sana au kama unatumia mashine basi weka spidi kali.

 
Hakikisha inakua muonekano huu baada ya kupiga na mshine unapata rangi ya cream.

 

Kisha chukua yale maziwa ya maji pamoja na vanilla kisha chukua mwiko huo na changanya pole pole mpaka vyote vichanganyike vizuri.
 

 

Kisha chukua ute mweupe wa yai (egg whites) piga tena kwa kutumia mashine kwa spidi kali mpaka uone imetoa mapovu kabisa na kuongezeka. 

 

Baada ya kutoa povu basi chukua sukari 60 gram na mimina katika mchanganyiko huo wa ute mweupe wa yai.

 

Endelea kupiga tena kwa kutumia mashine kwa spidi kali hakikisha imekua laini kabisa kama mapovu lakini isikwe kavu.

 

Unaona muonekano baada ya kua katika kiwango safi na imetengeneza kama milima miwili?

 

Chukua ule mchanganyiko mweupe wa yai changanya pamoja na mchanganyiko ule wa unga.

 

Hakikisha unachanganya pole pole
 
Mpaka ichanganyike vizuri kabisa.
 

 

Kisha mimina mchanganyiko wako kwenye tray ulioandaa kwajili ya kuokea hakikisha unasambaza vizuri.
 
Choma kwa dakika 35 mpaka 45 au mpaka toothpic ukitoa inabaki kavu. Mara yangu ya kwanza kuipika keki hii nilifungua oven zaidi ya mara 100 ambayo ni kosa sababu ya harufu nzuri ilioenea jikoni kila muda nahisi labda imeshaiva! Nadhani ndio maana keki yangu ilinywea hahahahaaaa! usifanye kosa hili ingawa taste yake ilikua YUMMO!
 

 

Keki yako tayari inarangi safi sana ya kahawia kisha chukua condensed milk, evaporated milk pamoja na heavy cream changanya.
 

 

Hakikisha unachanganya pole pole mpaka ichanganyike vizuri.
 
Baada ya keki yako kuiva weka pembeni ili ipoe na ikishapoa, Chukua uma na uitoboe pole pole . 

 

KIsha chukua mchanganyiko huo wa nmaziwa na cream mwagia juu ya keki na uruhusu ipoe kwa dakika 30. Weka kwenye friji ili ipate ubaridi kabisa isisumbue unapoipamba na icing. Chukua  heavy cream na vijiko 3 vyasukari kisha piga pamoja. 
 
Hakikisha unapiga mpaka inalainika kabisa.

 

Hakikisha unapakaza vizuri icing yako juu ya keki yote ili kuongeza ladha, ingawa mimi huwa nagawa nusu napaka na nusu sipaki maana sio watu wote wanapenda cream. Umeona muonekano baada kukata kipande? Unaona muonekano wa maziwa sehemu tuliokata kipande cha keki? maziwa unayoweka katika hii keki hayatabadiklisha sana keki yako iwe tepe tepe bado itakua na hali ya sponji.

 

Keki hii asili yake ni nchi ya spain wao wanapenda sana kupambia kwa juu matunda aina ya peaches na cherries. Kwakua ilikua ni msimu wa maembe mi nikaona kwanini nisipambie maembe ?!

 

Baada ya kupaka cream kwa juu kisha pamba na maembe na kata vipande kama muonekano katika picha.

 

Ukitafuna utaona sponji safi kabisa na ladha safi
 

 

Pia hata hotelini unaweza kuuza keki hii kama chakula kitamu baada ya mlo kamili
 

 

Waandalie nyumbani waweze kufurahia keki hii kwa chai ya jioni au baada ya chakula.

Upishi huu Umeandaliwa kwa hisani ya : http://activechef.blogspot.com.tr/

Upishi wa chapati: Mkate wa kusukuma

Vipimo:

  • Unga wa ngano mweupe                       1 Kilo
  • Samli (mafuta)                                        150gm
  • Chumvi                                                   3 vya chai
  • Maji ya moto yasichemke lakini               Kiasi
  • Mafuta Ya Zaituni                                     4 vijiko vya supu
  • Samli tena                                                200 gms
  • Iliki (Hiliki) iliyosagwa                               1 kijiko cha chai

 670px-Make-Chapati-Step-5

 20120510-chapati-wraps-with-liver-1 chapati17

Namna ya kutayarisha na kupika:   

(1) Tia unga  kwenye sinia au bakuli kubwa lilo na nafasi, changanya na chumvi, mafuta ya zaituni, samli 150g, iliki, mimina maji ya moto kwa kipimo cha kikombe kila unapovuruga unga.

(2) Uunga uwe  mwepesi unapoganda kuwa donge moja kubwa. Uwache kwa muda wa dakika 60 (saa moja hivi) ukiwa umeufinika ili unga ulainike. 

(3) Katakata madonge makubwa yenye ukubwa wa chungwa  ili uweze kutoa kila donge chapati mbili. Ukimaliza hapa weka madonge kwa muda wa nusu saa ukiwa umefinika bila ya kuingia upepo ndani.

(4) Sukuma donge ukiwa umelimwagia unga mkavu juu, liwe mviringo. Unaweza kutumia kifimbo   hata chupa  kusukumia madonge ikiwa huna kifimbo juu ya meza au kwenye kibao maalumu cha chapati.  

(5) Yayusha samli nyingine ya 200gm  kisha itumie kwa kupaka kwenye kila donge ukilisukuma duara itakayobakia weka kando utachomea chapatti.

(6) Likate katikati kwa kidole chako au kijiko upate mgawanyo wa sehemu mbili sasa kila sehemu utakunja kwanzia ncha moja hadi ikutane na ncha nyengine kama mkeka, donge lake linakuwa na sampuli, huitwa tabaki 

(7) Weka chuma cha kuchomea chapati jikoni moto mdogomdogo.

(8) Sukuma kila donge  kisha mara nyengine mviringo huu utakuwa mviringo wa kuchoma weka chapati kwenye chuma kavu bila samli  iache muda wa dakika tatu igeuze upande mwengine kisha vilevile ,  ukiona ina mabapa ya kuchomeka tia samli ile uloyeyusha kwa kijiko kikubwa kimoja huku unaizungusha zungusha.  

(9) Geuza upande wa pili vile vile mpaka iwive.

(10) Zipange kwenye sahani huku unazifinika, hapa tayari kuliwa kwa mchuzi au mboga yoyote.

6693984chapati

Kidokezo:

Ukipenda kuzichambua kidogo chapati baada ya kumaliza hii unazishika zote kwa pamoja ikiwa umezikunja, unakunja ngumi au kifimbo kupiga tu mara moja tosha.

 

Make a Donation Button

Upishi wa Katles

MAHITAJI

A. Nyama ya kusaga                          Kilo 1

B. Viazi mbatata                                

C. Giligilani

D. Swaum, tangawizi, hoho, keroti

E. Chumvi kiac, ndimu

F. Binzari nyembamba, pilipili manga

G. Mayai                                            4

H. Unga wa sembe/ngano

I. Mafuta ya kupikia uyapendayo

MAANDALIZI

10357453_906927532657029_6364466533463430818_n katlesi za nyama-310409719_906927652657017_3422456731266258448_n

Hatua Ya Kwanza

Chukua nyama yako ya kusaga weka katika sufuria, weka chumvi kiasi, tia ndimu, kitunguu swaum, tangawizi na iache ichemke. Usiweke maji hata kidogo itaiva yenyewe na yale maji maji yake na uhakikiche yale maji yamekauka kabisa. Ipua na uweke pembeni ukisubiri ipoe usisahau kuonja kujua kama viungo vipo sawa.

 

Hatua Ya Pili

Menya viazi vyako mbatata na usafishe vizuri, baada ya hapo vikate kate na uviweke kwenye sufuria yako, Tia chumvi kiasi, tangawizi kiasi, virushe rushe na uweke jikoni tia na maji kiasi, funika na acha vichemke kwa muda (ila mimi napendelea kuweka na maji kiasi ili yakaukie kabisa hua sipendi baada ya viazi kuwiva nichuje maji). Vikisha iva na make sure havina maji anza kuvisaga, utaendelea kusanga mpaka upate ulaini unaoutaka wewe.

 

Hatua Ya Tatu

Katakata hoho, vitunguu maji, keroti katika mfumo ule ule wa vipande vidogo vidogo na ukimaliza hapo chukua mchanganyiko wako wa nyama na viazi uweke katika chombo kimoja, halafu chukua vitunguu maji, hoho, keroti ulivyo katakata tia kwenye mchanganyiko wako wa nyama na viazi, tia swau yako, kamulia tena ndimu, weka na unga wa binzari nyembamba na pilipili manga, katia na giligilani zako, sasa anza kuchanganya vyote kwa pamoja. Changanya chananya mpaka utakapo ona vyote vimechanganyika vizuri. Please test mchanganyiko wako kuoma kama mambo yapo poa.

 

Hatua Ya Nne

Andaa sahani zako za kuwekea madonde yako ya katres zinyunyuzie unga wa sembe ama ngano itategemea wewe wataka unga gani. Waeza tumia unga wa sembe au ngano. Ukisha maliza hapo chukua mchanganyiko wako na utengeneze style uipendayo kama vidualisho, CD-style finger style yote kheri tu. Baada ya hapo utaviviringisha katika unga wako ulio uchagua wewe na utapanga kwenye sahani, utarudia hivyo katika vidude vyote. Next chukua mayai yako yale manne yavunje na kutia katika chombo safi at the same time unakua ushabandika kichomeo chako jikoni na ushaweka mafuta yako. Tumia moto wa wastani . Mafuta yakishapata moto kiasi cha wewe kuridhika chukua katres zako tia katika mayai zungusha zungusha ili mayai yaingie pande zote then tia kwenye kikaangio chako jikoni, rudia kafanya hivyo kwa katres zote zilizo baki na ukimaliza hapo mambo yatakua poa na tayari kujisevia.

 

Unaweza pia kusoma upishi huu kupitia Alhidaaya: http://www.alhidaaya.com/sw/node/2774

Kinywaji:Strawberry shake

VIPIMO


Ndizi                                                     2 (wastani)

Stroberi (strawberries)                        Vikombe vya chai 2


Vipande vya barafu                             Kikombe cha chai 1


Maziwa                                               Kikombe cha chai  ¾ − 1 


Juisi ya machungwa                            Kikombe cha chai 1


Asali                                                    Vijiko vya supu 2

 

bananas

 

honey

 

NAMNA YA KUTAYARISHA

1.  Kata kata ndizi na stroberi na uweke kwenye mashine (blender) pamoja na vipimo vyote vilivyobaki.

2.  Saga mchanganyiko wako hadi ulainike vizuri.

3.  Mimina kwenye gilasi na itakuwa tayari kwa kunywewa.

 

img

 

ENJOY 🙂

Kinywaji: Juisi ya Embe

VIPIMO

 

Maembe yaliyoiva                                  2

Mtindi (yogurt)                                      2 Vikombe vya chai

Maziwa                                                 1 Kikombe cha chai

Asali au Sukari                                       ¼ Kikombe cha chai

Maji ya ndimu                                        ½ Kipande

Barafu                                                    12 vipande

Mdalasini ya unga                                   kidogo

   juicy-red-mango-yali-shi

 Mango-1-Cropped

NAMNA YA KUTAYARISHA

 

  1. Menya maembe yako kisha ukate kate vipande.
  2. Weka vipimo vyote vilivyopo hapo juu isipokuwa mdalasini, kwenye mashine ya kusagia (blender).
  3. Saga hadi ilainike.
  4. Mimina kwenye gilasi na unyunyize mdalasini kidogo
  5. baada ya hatua hizo juisi yako itakuwa tayari kwa kunywa

011

ENJOY 🙂